Zhurma në veshë ndodh papritur dhe mund të jetë mjaft irrituese.
1. Rregulloni altoparlantin ose lidhni kufjet
2. Filloni testin e dëgjimit online
3. Shkruani email-in tuaj dhe shkarkoni rezultatet
Sipas Shoqatës Amerikane të Tinnitusit (ATA), është një përgjigje sensorineurale në tru ndaj dëmtimit të dëgjimit. Me fjalë të thjeshta, është një tingull i fortë dhe irritues në veshë.
Zhurma mund të jetë me ndërprerje ose e vazhdueshme. Dhe ndërsa është bezdisëse për disa, nuk është absolutisht problem për të tjerët.
Disa e përshkruajnë tinitusin si një tingull zileje, ndërsa të tjerë dëgjojnë një tingull gumëzhitjeje ose pulsimi.
Ka disa arsye pse mund të shfaqet zumë në veshë.
Muzikë me zë të lartë
Po, muzika me zë të lartë mund të shkaktojë vërtet problem. Tinitusi i shkaktuar nga dëgjimi i muzikës me zë të lartë është një formë e humbjes së dëgjimit të shkaktuar nga zhurma. Zakonisht është një problem i përkohshëm dhe njerëzit mund të presin të shërohen brenda 72 orëve. Nëse jeni të ekspozuar ndaj muzikës me zë të lartë ose punimeve të zhurmshme në ndërtim, merrni në konsideratë përdorimin e tapave të veshëve.
Shumë cerumen
Dylli i veshit, ose cerumeni, mbron veshët tanë dhe ka veti antibakteriale. Megjithatë, grumbullimi i tij mund të shkaktojë humbje të dëgjimit, e cila mund të çojë në tinitus. Pasi mjeku juaj t’ju ketë pastruar veshët nga dylli, dëgjimi juaj do të përmirësohet dhe tinitusi do të zhduket.
Infeksion
Një ftohje, infeksion i veshit ose i sinuseve mund të shkaktojë tinitus. Trajtimi i infeksionit do të përmirësojë dëgjimin tuaj dhe do t’ju lehtësojë nga zhurma irrituese.
Medikamente
Tinnitusi mund të jetë një efekt anësor i disa ilaçeve, siç janë antibiotikët, ilaçet anti-inflamatore josteroide dhe diuretikët, madje edhe aspirina. Ilaçet me bazë kinine mund të shkaktojnë zhurmë në veshë. Flisni me mjekun tuaj nëse jeni duke marrë ndonjë nga këto ilaçe dhe keni zhurmë në veshë.
Lëndime në kokë
Lëndimet në kokë mund të shkaktojnë gjithashtu tinitus. Një goditje në kokë mund të shkaktojë gjakderdhje pas daulles së veshit, e cila zakonisht zhduket brenda rreth gjashtë javësh dhe dëgjimi zakonisht rikthehet.
Me një tronditje të trurit, në fakt mund të pësoni një tronditje të veshit të brendshëm, e cila mund të shkaktojë humbje të dëgjimit, marramendje ose tinitus, thotë neurologja Dr. Kristen Angster për revistën Men’s Health.
“Veshi i brendshëm zakonisht rikuperohet spontanisht. Por nëse keni marramendje të shpeshta ose nëse dëgjimi juaj nuk rikuperohet pas disa ditësh, vizitoni një mjek për vlerësim të mëtejshëm”, këshillon Dr. Angster.
COVID-19
Më shumë se një vit pas fillimit të pandemisë, po mësojmë rreth vështirësive të ndryshme dhe efekteve afatgjata të shkaktuara nga Covid-19. Tinitus është njëra prej tyre, megjithëse ka vetëm disa studime që e kanë shqyrtuar këtë problem.
Hulumtimi, i botuar në revistën Frontiers in Public Health, zbuloi se nga më shumë se 3,100 persona të anketuar që kishin tinitus, 237 të anketuar thanë se kishin vuajtur nga simptomat e koronavirusit dhe rreth 40 përqind e atij grupi thanë se tinitusi i tyre ishte përkeqësuar.
Dr. Angster thotë se është ende shumë herët për të lidhur tinitusin me Covid-19.
“Po, kam parë disa pacientë që kanë tinitus, por padyshim që nuk është aq i përhapur sa humbja e nuhatjes. Mendoj se do të mësojmë më shumë rreth kësaj me kalimin e kohës. Është diçka që ende po i kushtojmë vëmendje”, thotë Dr. Anster.
Burimi: N1
